نوبل انعام اور فیکٹ چیکر محمد زبیر

نوبل پرائز کیا ہے؟

نوبل انعام سوڈان میں جنمے ماہر تعلیم کیمیاداں، و صنعت کار الفرڈ نوبل کے نام سے منسوب ہے۔

الفرڈ نوبل ایک بڑے سائنس دان تھے۔ ڈائنامائٹ ان کی بڑی ایجاد ہے۔ اسی سے زیادہ مشہور بھی ہوۓ۔ اور بھی کئی چیزوں کے موجد مانے جاتے ہیں۔ کہا جاتا ہے کہ انہوں نے ڈائنامائٹ کا ایجاد سرنگ کھودنے اور پہاڑوں کو توڑنے کے لیے کیا تھا مگر بعد میں اس کا غلط استعمال ہونے سے وہ کافی دکھی بھی رہے۔

وہ اپنی زمینوں اور ڈائنامائٹس سے کافی پیسے کماۓ۔ یہ حیران کن بات ہے کہ ۱۸۹۶ میں جب دنیا کا بیشتر حصہ بھک مری، تنگی اور غربت میں جی رہی تھی اس وقت ان کے اکاؤنٹ میں ۹۰؍ لاکھ ڈالر کی رقم موجود تھی۔

ان کا قابل قدر کارنامہ یہ رہا کہ ۱۸۹۶ء میں اپنی وفات سے پہلے الفرڈ نوبل نے خاص طور پر ایک وصیت نامہ لکھوایا۔جس میں لکھا کہ میری دولت کو طبیعیات (Physics)  کیمیا (Chemistry) طب (Medicines) ادب (Literature) اور امن( Peace) جیسے مختلف موضوعات پر نمایاں و قابل ذکر کارنامہ انجام دینے والے شخص یا ادارے کو ہر سال بطور انعام دیا جاۓ۔

الفرڈ نے پانچ اہم شعبے کے ماہرین کی تخصیص کی تھی بعد میں ۱۹۶۸ میں معاشیات و اقتصادیات کو بھی اس میں شامل کیا گیا۔

اس وصیت کے پانچویں سال بعد الفرڈ نوبل کی سالانہ برسی کے موقعے سے، یعنی ۱۰؍دسمبر ۱۹۰۱ء سے اس انعام کا سلسلہ شروع ہوا جو ہنوز شان سے چل رہا ہے بلکہ مزید رنگ بڑھتا جا رہا ہے۔

یہی سبب ہے کہ ہر سال اس کے انعام کی رقم بھی بڑھتی جا رہی ہے۔ سویڈن اور ناروے اس انعام کی میزبانی کرتے ہیں۔

اسے تین مختلف تشکیل شدہ کمیٹیاں تقسیم کرتی ہیں۔

(1) Nobel        committee        of         Royal                  Swedish         Academy             of       Sciences

(2) Nobel committee     of      Karolinska     Institutet

(3)     Norwegian      Nobel        Committee     طبعیات، کیمیا، طب ، ادب اور امن کے شعبے میں غیر معمولی خدمات انجام دینے والے شخص یا ادارے کو کمیٹی پہلے نامنیٹ کرتی ہے پھر اس کے کام کا باریک بینی سے جائزہ لینے کے بعد انعام کے لیے منتخب لسٹ میں شامل کرتی ہے۔ 

10 دسمبر کو الفرڈ نوبل کی سالانہ برسی کے موقعے پر یہ انعام تقسیم کیا جاتا ہے۔یہ انعامی رقم اتنی بڑی ہے کہ آدمی کی ساری محنت وصول ہو جاۓ۔۲۰۲۲ کے انعام کے لیے (US$ 1,145,000) ہے۔ جو موجودہ ہندوستانی کرنسی میں تقریبا نو کروڑ چوتیس لاکھ کے اوپر جاتا ہے۔

اخیر میں چلتے چلتے یہ لکھ دوں کہ جب میں الفرڈ نوبل کے متعلق پڑھ رہا تھا تو میرے ذہن میں بار بار یہی آ رہا تھا کہ نوبل نے ایسی وصیت کیوں کی؟

انہیں تو وصیت کرنی چاہیے کہ جو بھی میری برسی میں آکر میرا قصیدہ پڑھے گا اسے بطور انعام میری دولت دی جاۓ۔

آخر ایک کرسچن کو فلاح و صلاح قوم کی اس قدر فکر کیوں تھی۔کتنی بلند سوچ تھی کہ گئے بھی ایسی یادگار چھوڑ گئے کہ اسے ہر مذہب و ملت کے ارباب علم و آگہی “یادگار اعلی” کہنے پر فخر کریں۔

کتنے بلند دماغ تھے کہ وہ چاہتے تو غریبوں میں تقسیم کرنے کی وصیت بھی کر سکتے تھے مگر اپنی ساری جمع پونجی، اہل علم و دانش کے نام مختص کر کے خود کو قیامت تک کے لیے زندہ کر گئے ہیں۔

جب تک یہ نوبل پرائز رہے گا الفرڈ کی یاد بھی باقی رہے گی۔آخر نوبل کی حقیقت جاننے کے بعد کیوں میرے دل میں بارہا آتا ہے کہ کاش ہماری کسی بڑی خانقاہ کے بڑے پیر صاحب نے ایسی وصیت کی ہوتی کہ میرے نذرانے کی رقم کو ہر سال اسلامیات (دیگر موضوعات کو چھوڑیں) پر لکھنے والے، ریسرچ کرنے والے،سیرت پر نمایاں کام کرنے والے کو دیا جاۓ تو کتنی بڑی بات ہوتی۔احساس افتخار سے ہم جیسوں کا سینہ چوڑا ہوجاتا۔

میرے دل میں یہ تمنا شدت سے سر اٹھا رہی ہے تب کسی نے ایسی نیک اور فلاحی وصیت نہیں کی تھی کوئی بات نہیں مگر اب بھی وقت ہے، پیسہ ہے، ذرائع ہیں۔اب تو کوئی نیک دل خیر خواہِ ملت کرے۔کاش! میں اپنی خواب نما تمنا کو تعبیر کا روپ لیتے دیکھ سکوں۔اے کاش! مرنے سے پہلے کسی پیر محترم کا ایسا مبارک وصیت نامہ نظر سے گزرے!

مشتاق نوری