اب وقت آگیا ہے آپ زبان کھولیں

اب تک ہم اندھیرے میں تھے، حال ہی میں ہمارا مغالطہ دور ہوا اور اب ہمیں کہنا پڑرہا ہے کہ مذہب اسلام ایک ناقابلِ تسخیر قوت ہے جو لوگوں کے دلوں پر اپنی فتح کا جھنڈا لہراکر رہے گا

مذہب اسلام کی خوشبوؤں کو نہ مٹھی میں بند کیا جاسکتا ہے اور نہ تلوار سے کاٹا جاسکتا ہے

معزز قارئین! ہمارے دشمن تو بیدار ہوگئے اور انہوں نے عظمت اسلام کا اعتراف بھی کرلیا ہے- مگر ہم تاہنوز خواب غفلت میں پڑے ہیں اور نہ معلوم کب تک پڑے رہیں گے

عالمی نقشہ پر نظر ڈالیں تو آپ کو معلوم ہوگا کہ دنیا صحیح تعلیم سے بے بہرہ ہونے کے باعث وادئ جہالت میں ڈوبی ہوئی ہے-لوگ مغربی ثقافت و تہذیب کے اندھیروں میں گھرے ہوئے ہیں، انہیں خدا بیزاری کا سبق دیا جارہا ہے۔

اور الحاد و بے دینی کی فضا پیدا کی جارہی ہے- آج دنیا کو صحیح معنوں میں مذہب اسلام کی تلاش ہے- مذہب اسلام کے جیالے کہاں ہیں؟

اُٹھیں اور اپنا دینی فریضہ انجام دے کر مذہب اسلام سے اپنی وفاداری کا ثبوت پیش کریں

آج پوری دنیا میں جو لوگ مذہبِ اسلام کے دامن سے وابستہ ہو رہے ہیں میں یہ کہتا ہوں کہ اس میں ہماری تبلیغ کا ذرا بھی دخل نہیں،تاہم یہ مذہب اسلام کی اپنی کشش ہے جو لوگوں کو اپنج طرف کھینچے جارہی ہے

چوں کہ مذہب اسلام دین فطرت ہے اس لیے جو اسے قبول کررہا ہے وہ صحیح معنوں میں اپنی فطرت کا تقاضہ پورا کررہا ہے

اب وقت آگیا ہے کہ آپ زبان کھولیں، قلم کو حرکت دیں اور دنیا کو بتائیں کہ مذہبِ اسلام امن و سلامتی کا دین ہے

اخلاق و رواداری کا پیامبر ہے- دہشت گردی، خونخواریت، بربریت، خود کش حملے اور ظلم و تعدی کا مذہبِ اسلام سے دور کا بھی کوئی واسطہ نہیں۔

افتخاراحمدقادری برکاتی

کریم گنج،پورن پور،پیلی بھیت