وارانسی عدالت کا فیصلہ افسوس ناک ہے

قانون ‘ورشپ ایکٹ 1991’ اور سپریم کورٹ کے سابقہ فیصلوں کو نظر انداز کر کے سروے کمیشن آف انڈیا کی پہلے اجازت دی پھر طرفہ تماشا یہ ہوا کہ سروے رپورٹ کے جمع ہونے سے پہلے ہی صرف ہندو فریق کے گمراہ کن دعوے کی بنیاد پر کہ وضو خانہ کے حوض میں ایک شو لنگ ملا ہے

کورٹ نے وضو خانہ کو سیل کر نے کا حکم دے دیا مسلم فریق کی بات بھی نہیں سنی اور مسجد میں نمازیوں کی تعداد بیس متعین کردی کورٹ نے کہا : “جس استھان پر شیو لنگ پراپت ہوا ہے اس استھان کو تتکال پربھاو سے سیل کر دیں” (آرڈر کی کاپی میں “آدیش” کی دوسری لائن) یہ بنارس کے سول جج کے آرڈر کے جملے ہیں

قارئین ان جملوں پر غور کریں, جج یہ نہیں کہہ رہے ہیں کہ جس استھان پر ہندو فریق نے شیو لنگ ہونے کا دعوی کیا ہے بلکہ سیدھے کہہ رہے ہیں کہ جس جگہ شیو لنگ پراپت ہوا ہے, اس جگہ کو فوراً سیل کر دیں. سوال یہ ہے کہ ابھی یہ کیسے طے ہو گیا کہ وہ شیو لنگ ہے جبکہ گیان واپی مسجد کے وکیل رئیس احمد انصاری کا کہنا ہے کہ ‘وہ حوض کا فوارہ ہے شیو لنگ نہیں

اور سوال یہ بھی پیدا ہوتا ہے کہ جج نے ابھی صرف ہندو فریق کی بات سنی ہے مسلم فریق کی کوئی بات ہی نہیں سنی ایسے میں عدالت کا یہ فیصلہ اپنے آپ میں بڑا عجیب اور مضحکہ خیز ہے

دراصل یہ سب پہلے سے طے شدہ پلاننگ کے تحت کیا جارہا ہے بابری مسجد کی طرح اس مسجد کو چھیننے کی پوری اسکرپٹ پہلے ہی سے لکھ لی گئی ہے اسی کے مطابق عمل ہو رہا ہے اور قوی اندیشہ ہے کہ ان کاموں کے لیے ضلع کورٹ میں پہلے سے کسی خاص جج کو مقرر گیا ہے جو یہ سب کچھ حکومت وقت کی منشا کے مطابق کر رہا ہے بلکہ سابقہ منظر نامے کے پس منظر یہ بھی کہا جاسکتا ہے

کہ بہت ممکن ہے کہ ہائی کورٹ اور سپریم کورٹ میں بھی پہلے سے گوٹیاں سیٹ کر دی گئی ہوں. اللہ تعالیٰ ایسے حالات میں اپنے دین, شعائرِ دین, امت مسلمہ کی جان و ایمان اور آبرو کی حفاظت فرمائے. آمین

محمد ہاشم اعظمی مصباحی

نوادہ مبارک پوراعظم گڈھ یوپی