گزر گیا رمضان بھی اور گزر گئی عید بھی

تب بندہ منہ میں کھجور ڈالتا ہے اور پانی پیتا ہے اور دل و زبان سے یہ کہہ رہا ہے کہ اے اللہ ہم نے تیرے لئے روزہ رکھا، اور تجھ پر ایمان لائے اور تیرے اوپر بھروسہ کیا اور تیرے دئیے ہوئے رزق سے افطار کیا،،

اب افطار کرنے کے بعد نماز مغرب ادا کرنے کے لیے مسجد کی طرف چلتا ہے اور نماز مغرب ادا کرتا ہے تین رکعت فرض مغرب ادا کی اور دورکعت سنت یعنی پہلے ستر فرض کا مستحق ہو

پھر سنت ادا کرکے بھی فرض کا مستحق ہوا- اب کچھ آرام کرنے کے لئے سوچ رہا ہے اور آرام کے بعد ابھی تھوڑا تفریح کرہی رہا تھا کہ پھر مؤذن نے صدا بلند کی کہ اللہ سب سے بڑا ہے اللہ بہت بڑا ہے اب بندہ پھر چلا نماز عشاء کی ادائیگی کے لیے مسجد کی طرف اور وضو بناکر نماز عشاء پڑھی فرض نماز عشاء پڑھنے کے بعد بیٹھا ہے کہ سنت اور وتر پڑھ کر نکل چلوں

کہ اتنے میں نماز تراویح بھی شروع ہوگئی بعض لوگ تراویح میں شامل ہوتے بعض لوگ بغیر تراویح پڑھے مسجد سے نکل جاتے میں نے تو اکثر و بیشتر علاقوں میں ایسا ہی دیکھا ہے-اب سوال یہ پیدا ہوتا ہے کہ اتنا سب کچھ کرنے کے بعد کیا اب کچھ کرنے کی ضرورت نہیں ہے

کیا ایک سال کا کوٹہ پورا ہوگیا؟ اگر ہاں تو پھر کوئی اسے ثابت کرے اور نہیں تو پھر مسجد سے اذانیں آج بھی ہورہی ہیں، امام مصلے پر کھڑے ہوکر آج بھی نماز پڑھاتے ہیں

گھروں میں اور مساجد میں قرآن آج بھی رکھے ہوئے ہیں پھر سارا معاملہ ٹھپ کیوں ہوگیا اس کا مطلب کہ ایک مہینہ روزہ رکھ کر، تراویح میں قرآن سن کر، ایک مہینہ نمازیں پڑھ کر بھی ہمارے اوپر کوئی اثرات مرتب نہیں ہوسکا یعنی ابھی ہفتہ دس دن پہلے تک ہم ایک فرض کا ثواب ستر فرض کے برابر لے رہے تھے

اور آج ایک دن میں پانچ مرتبہ جہنم کے دروازے پر نام لکھانے لگے یہ کتنی حیرت انگیز بات ہے،، اس سے تو نیت کا بھی پتہ چلتا ہے کہ ہم نے رمضان میں مسرور ہوکر عبادت کی تھی یا مجبور ہو کر کی تھی

ایک رسم سمجھ کر کی تھی یا خلوص کے ساتھ کی تھی یاد رہے کہ اللہ دلوں کا حال جانتا ہے اور وہ ستر گنا اجر و ثواب دے سکتا ہے تو سات سو گنا زیادہ دینے پر بھی قادر ہے اس کے خزانے میں کوئی کمی نہیں ہے،، رمضان کی عبادات اور اس کے اجر و ثواب تو بندے کے لیے ایک تحفہ ہے

بلکہ بھاری بھرکم آفر ہے اجر و ثواب میں زیادتی کی شکل میں اور لیلتہ القدر جیسی عظیم و مقدس رات عطا کرکے اللہ ربّ العالمین نے اپنے بندوں پر انعام و اکرام کے طور پر عظیم احسان کیا ہے اور اب بندہ اس میں بھی چالبازی و چالاکی کرنے لگے تو یاد رکھنا چاہیے

کہ نہ تو وہ اللہ کو دھوکا دے سکتا ہے اور نہ ہی اللہ کے نیک بندوں کو دھوکا دے سکتا ہے

بلکہ وہ خود اپنے آپ کو دھوکا دے رہا ہے اس لیے کہ عمل کا دارومدار نیت پر ہے،،

اس لیے ہمیں ماضی، حال اور مستقبل پر نظر رکھنا چاہیے اور دین میں پورے طور پر داخل ہونا چاہئے ہمارا ماضی ساڑھے چودہ سو سال پہلے کا زمانہ ہے

ہمارا حال ( حالات حاضرہ ہے) مستقبل ہماری آنے والی نسلیں ہیں یعنی ہمارا ماضی ہمارے لیے مشعلِ راہ ہے، حالا حاضرہ ہمارے لیے لمحۂ فکریہ ہے

اور درس عبرت ہے اور ہمارا مستقبل ہمارے لیے ہماری نسلیں ہیں ہم جیسا کریں گے ویسیاہی وہ بھی کریں گی مطلب جو بوئیں گے وہی کاٹیں گے،،

ہمارا ماضی بزرگان دین ہیں، قبروں میں سوئے ہوئے ہمارے آباؤ اجداد ہیں،،

ہمارا حال ہم خود ہیں اور ہمارا مستقبل جنت و جہنم کا فیصلہ ہے،، غلط فہمی میں نہ رہیں جنت میں جانے کا شاٹ کٹ کوئی راستہ نہیں ہے اللہ کا سامان بہت مہنگا ہے

اللہ کا وعدہ سچا ہے اور اللہ کا کلام سچا ہے۔

تحریر: جاوید اختر بھارتی

سابق (سکریٹری یو پی بنکر یونین)

محمدآباد گوہنہ ضلع مئو یو پی