کشمیر تباہ ہورہا ہے شادی میں بے جا تاخیر فیشن یا مجبوری

کشمیر تباہ ہورہا ہے شادی میں بے جا تاخیر فیشن یا مجبوری ؟

یہ ہے کشمیر کی دل سوز حقیقت، نو سے بارہ سال کی عمر میں آج کل لڑکیاں بالغ ہورہی ہیں ، اور تیس پینتیس سال تک بن بیاہی گھر میں بیٹھی ہوئی ہیں ، آخر ایسی بہنیں زنا، پورن اور غلط طریقوں کا استعمال نہ کریں تو اور کیا کریں؟ ۔

ایک رپورٹ کا مطابق کشمیر کی کم از کم پچاس ہزار عورتیں لیٹ میریج کا شکار ہیں، جس کی بنا پر خود کشی کا رجحان بھی بڑھتا جارہا ہے، انہیں بہنوں کا رشتہ جب کشمیر کے باہر سے آتا ہے فورا یہ کہ کر انکار کردیا جاتا ہے کہ ہم باہر اپنی لڑکیوں کو نہیں بھیجتے۔

ہم نے کشمیر کے ہی ایک مفتی صاحب نیز کئی دوستوں سے اس بابت معلوم کیا کہ کیوں وہاں شادیاں تاخیر سے ہورہی ہیں؟ تو ہمیں یہ ساری باتیں معلوم ہوئیں: 1 مادیت کا غلبہ، ماں باپ کے اوپر

مادیت کا بھوت سوار ہوگیا ہے، ان کی یہ سوچ بن گئی ہے کہ اپنی بچی کا نکاح تبھی کریں گے جب لڑکا گورنمنٹ جاب والا ہو یا کامیاب بزنس والا ہو۔

2 عورتوں میں بھی عصری تعلیم کی ہوڑ ایسی لگی ہے کہ پڑھائی جب تک مکمل نہیں ہوگی شادیاں نہیں کرتیں اور پھر عمریں ڈھل جاتی ہیں تو رشتے ملنا مشکل ہوجاتے ہیں۔

3 یہاں بھی برادری واد خوب ہے، وانی، بھٹ اور ڈار سب اپنی ہی برادری میں شادی کرتے ہیں۔

4 جہیز کا لین دین اور رسوم و رواج کا چلن اتنا عام ہوگیا ہے کہ چاہ کر بھی غریب جلدی شادی نہیں کرسکتا۔ 5 اپنی لڑکیاں باہر نہیں دیتے کیوں بھئی؟ کیا غیر کشمیری مسلم کم تر مسلمان ہیں یا ان کی بیٹیوں کو سنبھالنے کے قابل نہیں ہیں؟ تو کہتے ہیں ہماری بیٹیوں کو باہر کا ماحول سازگار نہیں آتا، یہ بات ایک حد تک تو ٹھیک ہے ۔

لیکن ایک حد سے آگے بڑھ جائے تو پھر علاقائی تعصب کی شکل اختیار کرلیتی ہے جس کی اسلام اجازت نہیں دیتا، اپنے بچوں اور بچیوں کی تربیت کبھی بھی ایسی نہیں کرنی چاہئے کہ وہ مخصوص علاقے کے علاوہ کہیں بھی سکون محسوس نہ کریں۔