زرعی قوانین واپس ہوسکتے ہیں تو سی اے اے اور این آر سی کیوں نہیں

November 24, 2021November 25, 2021 UrduDunia 767 Views 1 Comment محمد احمد حسن سعدی امجدی, کسان بل واپس ہوسکتا ہے تو سی اے اے اور این آر سی بل کیوں نہیں

Spread the love

از قلم : محمد احمد حسن سعدی امجدی زرعی قوانین واپس ہوسکتے ہیں تو سی اے اے اور این آر سی کیوں نہیں

زرعی قوانین واپس ہوسکتے ہیں تو سی اے اے اور این آر سی کیوں نہیں

۔19 نومبر2021 کو وزیراعظم نے اپنے من کی بات میں تینوں زرعی قوانین کو واپس لینے کا اعلان کیا ، اس کے بعد ہی سے وزیراعظم کا وہ بیان پورے ملک میں موضوع سخن بنا ہوا ہے

کہیں وزیراعظم کے اس قدم کو خوب سراہا جارہا ہے تو وہیں تمام سیکولر پارٹیوں کی طرف سے وزیر اعظم کے اس اعلان پر بہت سے سوالات کھڑے ہو رہے ہیں ،جو کہ ہونا بھی چاہیے کیونکہ گزشتہ سال موجودہ حکومت نے پارلیمنٹ سے تینوں پاس کیے،

جس کے بعد اچانک پورے ملک کا ماحول خراب ہوگیا ، کسان طبقے میں شدید بے چینی پائی گئی اور ہزاروں کسان حکومت کے خلاف احتجاج پر آمادہ ہوئے اور کسان آندولن کو اب ایک سال ہونے کو ہے، احتجاج کے دوران محکمہ پولیس کی طرف سے کسانوں پر ظلم و تشدد کے پہاڑ توڑے گیے

اس دوران تقریباً 700 کسانوں نے اپنی جانیں بھی گنوا دیں ، لیکن اس پوری ایک سالہ طویل مدت میں حکومت اپنی ہٹ دھرمی کا مظاہرہ کرتی رہی، اب ایک سال گزرنے کے بعد اس طریقے سے موجودہ حکومت کے ذریعے تینوں بلوں کو واپس لینے کا اعلان کرنا یہ حکومت کی منشا کو صاف طور پرظاہر کر رہا ہے

کیوں کہ حکومت کو حقیقی معنوں میں اگر کسانوں کے درد کا احساس ہوتا تو وہ ان قوانین پر پہلے ہی غور وفکر کرکے واپس لینے کا اعلان کر دیتی ،لیکن اب اس وقت ٹھیک الیکشن سے قبل قانون واپس لینے کا اعلان کرنا اس سے صاف طور پر اندازہ ہوتا ہے کہ مرکزی حکومت کسانون کے مسائل کو لے کر نہیں بلکہ 2022 میں یوپی اور پنجاب کے اسمبلی انتخابات کے حوالے سے فکر مند ہے اور اپنے لیے فضا ہموار کر رہی ہے۔

اسی طرح 11 دسمبر 2019 کو موجود حکومت کی جانب سے سی اے اے اور اس سے قبل این آر سی جیسے سیاہ قانون پاس کیے گئے ،جس کے بعد پورے ملک کا امن و امان ماتم میں تبدیل ہوتا نظر آیا ،ہر چہار جانب جمہوریت پسند عوام سڑکوں پر نکل آئی اور ایک حد تک حکومت کو آئینہ دکھانے کا کام کرتی رہی

کسان آندولن کی طرح لکھنؤ اور بعض علاقہ میں امن پسند احتجاج کرنے والوں پر پولیس انتظامیہ کی جانب سے لاٹھی اور ڈنڈے برساۓ گئے اور اکثر لوگوں خاص طور سے مسلمانوں پر یو اے پی اے لگاکر انھیں جیل کی سلاخوں کے پیچھے ڈال دیا گیا۔اس کے علاوہ دہلی کے شاہین باغ میں مسلسل تین ماہ تک احتجاج چلا اور بلاتفریق مذہب وملت لوگوں نے اس میں شرکت کی ، پھر اچانک کرونا کی آمد ہوئی اور پورے ملک میں لاک ڈاؤن کا نفاذ عمل میں آیا

اسی کے ساتھ تمام احتجاجات بند کرنے پڑے اور حکومت نے بھی سی اے اے اور این آر سی کے مسئلہ کو ملتوی کر دیا ۔ ویسے ان دونوں قوانین کو تو ملک کا ہر شخص سمجھتا اور جانتا ہے کہ اگر یہ نافذ ہو گئے تو ہندوستان کی ایک بڑی اقلیت مسلم اور دیگر اقلیتوں کو بے شمار صعوبتیں برداشت کرنی پڑ سکتی ہیں۔

کیوں کہ گزشتہ چند سالوں سے موجودہ حکومت نے جو بھی بل پاس کیے ان میں سے اکثر کو دیکھ یہ اندازہ ہوتا ہے کہ ان کا ٹارگٹ صرف اور صرف مسلم ہی ہیں

رہی بات سی اے اے اور این آر سی کی تو اس بل کے ذریعہ بھی وہ مسلمانوں کو پریشان کرنا چاہتے ہیں۔

جس طرح زرعی قوانین کو واپس لینے کا اعلان کیا گیا کیونکہ اس سے کسانوں کو نقصان کا اندیشہ تھا اسی طرح سی اے اے اور این آر سی جیسے بے بنیاد قانونوں کے ذریعہ بھی ملک میں رہنے والے مسلمانوں میں شدید بے چینی پائی جاے گی۔

لہذا ہم حکومت سے مطالبہ کرتے ہیں کہ جلد از جلد سی اے اے اور این آر سی جیسے سیاہ اور نفرت آمیز قوانین کی واپسی کا بھی اعلان کیا جاے

از قلم : محمد احمد حسن سعدی امجدی

ریسرچ اسکالر۔ البرکات اسلامک ریسرچ

اینڈ ٹریننگ انسٹی ٹیوٹ علی گڑھ۔

8840061391

ان مضامین کو بھی پڑھیں

تحریر میں حوالہ چاہیے تو تقریر میں کیوں نہیں

ہندوستان کی آزادی اور علامہ فضل حق خیر آبادی

مذہبی مخلوط کلچر غیرت دین کا غارت گر

قمر غنی عثمانی کی گرفتاری اور تری پورہ میں کھلے عام بھگوا دہشت گردی

محبت کریں پیار بانٹیں

ایک مظلوم مجاہد آزادی