پرسنل وزٹ ویزا کے ذریعے عمرہ کی سعادت حاصل کرسکتے ہیں
پرسنل وزٹ ویزا کے ذریعے عمرہ کی سعادت حاصل کرسکتے ہیں
سعودی عرب نے عمرے کی سعادتحاصل کرنے والے غیر ملکیوں کے لیے نئی اسکیم کا اعلان کیا ہے
سعودی عرب کی وزارت حج و عمرہ کی جانب سے سوشل میڈیا پر جاری بیان میں کہا گیا ہے کہ سعودی شہری اپنے دوستوں کو عمرے کی سعادت کے لیے ’پرسنل وزٹ ویزا‘ پر مملکت سعودیہ بلوا سکتے ہیں۔
وزارت حج و عمرہ نے اپنے سوشل میڈیا پر جاری بیان بتایا کہ پرسنل وزٹ ویزا پر آنے والے غیر ملکی شہری ایک مرتبہ یا اس سے زائد بار انٹری ویزا کی سہولت حاصل کر سکیں گے۔
سعودی وزارت حج و عمرہ کی جانب سے یہ بھی بتایا گیا ہے کہ اس ویزا پر آنے والے غیر ملکی عمرے کی سعادت کے علاوہ مدینہ منورہ اور مسجد نبوی ﷺ کی زیارت بھی کر سکیں گے، اس کے علاوہ مختلف شہروں میں تاریخی مقامات اور ثقافتی مراکز کا دورہ بھی کر سکیں گے۔
سعودی عربیہ کے وزارت حج و عمرہ کا کہنا ہے پرنسنل وزٹ ویزا پر آنے والے تمام غیر ملکیوں کو سعودی عرب کے تمام شہروں اور ریجنز کو دیکھنے کی بھی اجازت حاصل ہو گی۔
