مولانا صاحب بن گیے ڈپٹی کمشنر
مولانا صاحب بن گیے ڈپٹی کمشنر
مولانا شاہد رضا خان مصباحی کو ڈپٹی میونسپل کمشنر سمستی پور بناے جانے پر عزیز ملت سربراہ اعلی جامعہ اشرفیہ نے پیش کیا مبارک باد
شہزادہ حافظ ملت حضرت علامہ عبد الحفیظ صاحب دام ظلہ سربراہ اعلی جامعہ اشرفیہ مبارک پور نے مولانا شاہد رضا خان مصباحی کو ڈپٹی میونسپل کمشنر سمستی پور بناے جانے پر مبارک باد پیش کرتے ہوئے مزید دعاؤں سے نوازا ہے
واضح رہے کہ مولانا شاہد رضا مصباحی نے مدرسے کی تعلیم کے بعد جے این یو وغیرہ سے اعلیٰ تعلیم حاصل کی، تقریباً تین سال قبل آئی اے ایس جیسے سخت امتحان میں کام یابی حاصل کرکے فارغین مدارس کوایک پیغام دیا تھا کہ محنت ولگن سے کام کر کے ہم کسی بھی شعبہ کے بلند مقام پر پہنچ سکتے ہیں
حضرت عزیز ملت اس وقت تبلیغی دورے پر بمبئی تشریف لے گیے ہیں
آج بعد فجر حضرت کا فون آیا تو میں نے مولانا شاہد رضا مصباحی کے حوالے سے حضرت کو یہ خبر سنائی ،جس پر انہوں نے دلی مسرت کا اظہار کیا،اور کہا کہ،میری طرف سے مولانا شاہد رضاصاحب کو ہدیہ تبریک پیش کردیں،، دعا ہے کہ اللہ رب العزت، انہیں سلامت رکھے اور ان سے ملک و ملت کی اعلیٰ خدمت لے
آپ کو بتاتا چلوں کہ حضرت مولانا شاہد رضا خان مصباحی (ساکن گیا، بہار) جنہوں نے ازہر ہند الجامعۃ الاشرفیہ مبارک پور سے عالمیت اور فضیلت کی دینی تعلیم حاصل کرنے کے بعد جے این یو سے اعلیٰ عصری تعلیم حاصل کی۔
قریب دو سال قبل آئی اے ایس جیسا سخت امتحان پاس کیا آج الحمد للّٰه بطور ڈپٹی میونسپل کمشنر سمستی پور نگر نگم ان کی تقرری ہو چکی ہے،انہوں نے آج سے اپنی ذمہ داری سنبھال لی ہے یہ خبر جہاں بھارت کی پوری مسلم کمیونٹی کے لیے خوش آئند ہے وہیں مدارس میں زیر تعلیم اور مدارس سے نکل کر یونیورسٹیوں میں اعلیٰ تعلیم حاصل کرنے والے طلبہ کے لیے باعث تقلید اور حوصلہ بخش ہے۔
شاہد بھائی کی یہ عظیم کام یابی ہمیں پیغام دیتی ہے کہ لگن، تسلسل،محنت اور صبر کے ساتھ انسان بڑے سے بڑے خواب پورے کر سکتا ہے۔
ہم صمیم قلب سے مولانا شاہد رضا خان مصباحی صاحب کو ہدیہ تبریک پیش کرتے ہیں اور دعا گو ہیں کہ مالک انہیں سلامت رکھے۔
نورالہدی مصباحی گورکھ پور ی
رکن مجلسِ شوریٰ جامعہ اشرفیہ مبارک پور
خصوصی نامہ نگار روز نامہ راشٹریہ سہارا گورکھ پور ایڈیشن