ہندوستان کی آزادی میں اُردو صحافت کا اہم کردار

اسی دوران اخبار جاری کرنے پر لگی پابندی بھی ہٹا دی گئی جس سے نئے اخبارات کی اشاعت کی راہیں آسان ہو گئیں۔ تحریک آزادی میں اردو صحافت نے اپنا ایک نمایاں اور اہم کردار ادا کیا ہے۔ انقلابی جذبات کو ابھارنے اور عوام و خاص کو خبر سے با خبر کرنے کا اہم کارنامہ اردو صحافت نے بڑی کامیا بی اور لیاقت کے ساتھ انجام دیا ۔

“ہندوستان کی جدو جہد آزادی میں خاص اخباروں کا رول رہا،اس اخبار نے تحریرو ں کے ذریعے کمپنی کی نگرانی اور برطانوی حکومت کے خلاف کھلم کھلا بغاوت کا اعلان کردیا تھا ۔اس وقت کے نامور دانش وران ‘صحافی ‘ادبا اورشعرا نے اس میں اپنے قلم کی تلواریں چلا کر انگریزی حکومت کی ناک میں دم کیے رکھا ۔۔اردو صحافت کے پروانوں پر یہ حقیقت پوری طرح عیاں ہو چکی تھی کہ صحافت ہی وہ طاقت ہے جو عوام کو ہر راز سے اورہرحقیقت سے وابستہ کرا سکتی ہے ۔

اس کے ذریعہ ہی اپنے احساسات وتا ثرات کو ظاہر کیا جا سکتا ہے اور مقاصد کو راہ تقویت حاصل ہو سکتی ہے ۔اس کے ساتھ ساتھ انگریز ی حکومت کی تمام چالبازیوں اور ان کے ناپاک مقاصد کو طشت از بام کردیا

’شیر محمد امین ‘ لکھتے ہیں کہ 1857 کی جنگ آزادی بلکہ اس سے بھی پہلے سے لے کر 1947 کی حصول آزادی تک اردوصحافت نے آزادی اور قومی اتحاد کی تحریک میں جو نمایاں رول ادا کیا ہے وہ تاریخ کا ایک روشن باب ہے۔

یہ اردو صحافی ہی تھے جو سب سے پہلے برطانوی سا مراج کے ظلم وستم کا نشانہ بنے ۔انہوں نے نہ صرف یہ کہ قیددبند کی صحبتیں برداشت کیں بلکہ مالی قربانیاں بھی دیں۔ جس میں انگریزوں کے خلاف بیانات شامل تھے ۔اس کے بعد 1857 میں اردو کا پہلا روز نامہ اردو گائڈ‘کلکتہ سے شائع ہوا ۔روز نامہ پنجاب ‘‘لاہور سے جاری ہوا وغیرہ وغیرہ ، اس دور کے بعد اخباروں کا ایک سنہرا اور جو شیلا دور شروع ہوا ۔

یہ وہ دور تھا جب ہندوستان میں ظلم وستم کی انتہاہوچکی تھی اور عوام کے صبر کا باندھ ٹوٹ چکا تھا ۔اخباروں میں صاف گوئی اور بغاوت کا تیز رنگ نظر آنے لگا جس میں زمیندار ،لاہور سے اور حسرت موہانی نے یکم جولائی 1903 کو علی گڑھ سے اپنا ماہانہ رسالہ اردو معلٰی جاری کیا ۔

اس رسالے کے پہلے ہی شمار ے کی خوبی یہ تھی کہ اس میں مکمل آزادی کا مطالبہ کردیا تھا ۔یہ وہ وقت تھا جب ہندوستان میں سیاسی بیداری عروج پر تھی اور اس وقت کے تمام بڑے بڑے رہ نما بھی اتنی بڑی جرأت نہ کرسکے کہ مکمل آزادی کا مطالبہ کریں ۔ب

بظاہر اس رسالہ کا وہی حشر ہونا تھاجو ہوا آخرکار 1908 میں برٹش حکومت کے خلاف مضمون میں بغاوت کے الزام میں پابندی کا اعلان ہوا اور مولانا کو قید کرلیا۔

دو سال تک مولانا قید رہے ۔ان اخباروں نے برطانوی حکومت پر سخت وار کیا جس کے نتیجے میں ان پر پابندیاں عائد کردی گئیں مگر اس قدم سے اردو صحافت کے شعلوں کو اور ہوا ملی اور آگے چل کر اندازہ بغاوت اور انقلاب سے پر اخباروں کی جھڑی لگ گئی ۔تحریک آزادی پورے ہندوستان میں پھیل چکی تھی اور ہر طر ف سے بغاوت کے شعلے برس رہے تھے ۔

ادیبوں کی بے باک بیانی اور شاعروں کے جو شیلے نغمیں اسے تقویت پہنچا رہے تھے ، اخباروں کی فہرست میں کئی بڑے نام بھی ہیں، خوشی کی بات یہ ہے کہ ان میں سے کئی اب بھی جاری ہیں اور خدمت انجام دے رہے ہیں۔ان سب اخباروں میں جوشیلی تحریروں کے ساتھ ساتھ وطن پرستی اور قومی اتحاد کے جذبے سے لبریز نظمیں بھی شائع ہوتی تھیں،

جنگ آزادی کی لڑائی میں اردو اخبارات کی خدمات نا قابل فراموش ہے ۔جب تک ہندستان کی آزادی کے بارے میں ذکر کیا جائے گا تو اردو اخبارات کا نام جلی حروف میں ضرور لکھا جائے گا ، بڑی جدو جہد اور قربانیوں کے بعد ہندوستان میں 15اگست 1947کو آزادی کا سورج طلوع ہوا اور سب نے مل کر آزادی کا جشن بڑے زور وشور سے منایا ۔

یہ اردو صحافت کی کوششوں اور کاوشوں کا ہی نتیجہ ہے جس نے ہندوستان کو آزادی دلانے میں ایک اہم کردار ادا کیا ہے۔ ہمیں چاہیے کہ اردو اخبارات کے فروغ کے لیے اپنے گھروں کی زینت بنائیں،اسے مانگ کر کے نہیں خرید کرکے پڑھیں ،اپنی خوشیوں کے مواقع پر اس کے اشتہارات میں بڑھ چڑھ کر حصہ لیتے رہیں ۔

نورالہدی مصباحی

گورکھ پوری