صوفی شہاب الدین عرف چھوٹے میاں کا عرس

الحاج صوفی شہاب الدین عرف چھوٹے میاں کا عرس و علامہ الحاج منور حسین مصباحی علیہ الرحمہ کا فاتحہ 24 نومبر کو بھٹہٹ/گورکھ پور حضرت الحاج صوفی محمد شہاب الدین المعروف مولوی چھوٹے صاحب بابا رحمتہ اللہ علیہ کا 20واں عرس و حضرت علامہ الحاج منور حسین مصباحی علیہ الرحمہ کا دوسرا سالانہ فاتحہ 24 نومبر 2022 بروز جمعرات شام 5 بجے سے آراضی چلبلوا بھٹہٹ ضلع گورکھ پور میں واقع خانقاہ برکاتیہ عزیزیہ اشرفیہ میں منایا جائے گا۔

پروگرام کی سرپرستی عزیز ملت علامہ الحاج عبدالحفیظ عزیزی صاحب سربراہ اعلی جامعہ اشرفیہ عربی یونیورسٹی مبارک پور صدارت نعیم ملت مولانا محمد نعیم الدین عزیز ی مصباحی جامعہ اشرفیہ مبارک پور ضلع اعظم گڑھ اور نظامت مولانا عبدالسلام قادری فہیم بستوی کریں گے۔

علاوہ ازیں دیگر علماے ومشائخ عظام اور شعرا شرکت کریں گے ،خانقاہ کے سجادہ نشین نورالہدی مصباحی گورکھپوری نے کہا کہ اس موقع پر ہرسال کی طرح امسال بھی جلسہ سیرت النبی صلی اللہ علیہ وسلم کا پروگرام ہوگا،حضرت کے چاہنے والوں وعقیدت مندوں سے انہوں نے گزارش ہے کہ مذکورہ پروگرام میں ضرور شرکت فرمائیں۔