امتیاز احمد کریمی کو بی پی ایس کا چیئرمین بنانے پر قومی اساتذہ تنظیم کی مبارک باد

امتیاز احمد کریمی کو بی پی ایس کا چیئرمین بنانے پر قومی اساتذہ تنظیم کی مبارک باد

امتیاز احمد کریمی جس محکمہ میں بھی رہے اپنی ذمہ داریوں کے ساتھ خوب انصاف کیا ہے : محمد رفیع مظفر پور

 فروری (وجاہت، بشارت رفیع)

جناب امتیاز احمد کریمی رکن بہار پبلک سروس کمیشن کو کمیشن کا نیا چیئرمین منتخب کیا گیا ہے، محکمہ جنرل ایڈمنسٹریشن حکومت بہار کے اعلامیہ کے مطابق سابق چیئرمین مورخہ 12 فروری 2024 کو اپنی مدت پوری کر چکے ہیں اس لیے جناب کریمی صاحب کو اپنی مدت پوری کرنے تک کمیشن کا چیئرمین منتخب کیا گیا ہے

جناب کریمی صاحب کا قومی اساتذہ تنظیم بہار کے ساتھ انتہائی مخلصانہ تعلق رہا ہے اس لیے قومی اساتذہ تنظیم کے تمام ذمہ داران اور اراکین نے کریمی صاحب کے چیئرمین بننے پر خوشی کا اظہار کیا ہے قومی اساتذہ تنظیم کے ریاستی کنوینر و آزاد صحافی جناب محمد رفیع نے اس موقع پر کہا کہ جناب امتیاز احمد کریمی اس سے پہلے بھی کئی اہم عہدوں پر فائز رہ چکے ہیں

اور جس جس محکمہ میں انہوں نے خدمات انجام دی ہے اپنی ذمہ داریوں کے ساتھ خوب انصاف کیا ہے اور ان کی اب تک زندگی بے داغ رہی ہے، اردو ڈائریکٹوریٹ کا ڈائریکٹر رہتے ہوئے انہوں نے اردو زبان کے لیے نمایاں خدمات انجام دی ہیں تاہم جناب کریمی صاحب کی عظمت اور شہرت ان کے عہدے سے زیادہ ان کی شخصیت اور ان کی قابلیت کی وجہ سے ہے۔ وہ برابر قومی اساتذہ تنظیم کے پروگراموں میں شریک ہوتے رہے ہیں

اور قیمتی مشوروں سے نوازتے رہے ہیں اس لیے ہم ان کے چیئرمین بننے پر خوشی کا اظہار بھی کرتے ہیں اور ساتھ ہی ان کو مبارکباد بھی پیش کرتے ہیں

جناب رفیع نے یہ بھی کہا کہ قومی اساتذہ تنظیم بہار کو ان کی سرپرستی و بالا دستی حاصل ہے۔ قومی اساتذہ تنظیم کے صوبائی صدر جناب تاج العارفین نے مبارک باد پیش کرتے ہوئے کہا ہے کہ جناب کریمی صاحب کا چیئرمین بننا بڑی خوشی کی بات ہے وہ ایک متحرک، قابل اور ایمان دارانہ شخصیت کے مالک ہیں گرچہ ان کی مدت مختصر ہے لیکن اس مختصر مدت میں بھی وہ اپنی صلاحیت کی بنیاد پر کمیشن کے لیے بہتر کام کریں گے۔

قومی اساتذہ تنظیم بہار کے سیکرٹری جناب تاج الدین نے اپنے مبارک بادی پیغام میں کہا ہے کہ جناب کریمی صاحب گوناگوں خصوصیات کے مالک ہیں اور جس محکمہ میں بھی رہتے ہیں اس میں وہ چار چاند لگا دیتے ہیں

انہوں نے اپنے دور میں اردو ڈائریکٹریٹ کو زندہ و تابندہ بنا دیا تھا ساتھ ہی وہ قوم کہ فلاح اور تعلیمی فروغ کے لیے مسلسل کوشاں رہتے ہیں، گزشتہ سال قومی اساتذہ تنظیم کے سیمینار کے دوران انہیں تعلیمی خدمات کے لیے مولانا ابوالکلام ازاد ایوارڈ سے بھی نوازا گیا تھا۔

جناب امتیاز احمد کریمی کو مبارک باد پیش کرنے والوں میں سرپرست قومی اساتذہ تنظیم بہار عبدالحسیب، ریاستی مجلس عاملہ کے رکن محمد رضوان، ندیم انور، رضی احمد، نسیم اختر، محمد امان اللہ، محمد جاوید عالم، وقار عالم، ناظر اسرار عارفی و محمد حماد وغیرہ۔