انجمن باغ و بہار میں یاد کیے گئے با ل ساہتیہ اکاڈمی ایوارڈ یافتہ

اس موقع پر ڈاکٹر عشرت بیتاب نے کہا کہ انجمن باغ و بہار، برہ پورہ،بھاگل پور بہار کا ایک بہت ہی فعال ادبی ادارہ ہے، جب بھی میں بہار کے حوالے سے اردو اخبار دیکھتا ہوں تو انجمن باغ و بہار کی خبریں مل ہی جاتی ہیں۔آگے ڈاکٹر عشرت بیتاب نے کہا کہ پروفیسر مناظر عاشق ہرگانوی دلکش اسلوب کے مالک تھے، انہوں نے اردو ادب کے تمام گوشوںکو اپنے نوک قلم سے منور کیا۔

ان کی سب سے بڑی خوبی تھی کہ وہ نئے لکھنے والوں کی خوب ہمت افزائی کرتے تھے اور ا یسے لوگ صدیوں میں ایک آدھ ہی پیدا ہوتے ہیں

مہمان خصوصی پروفیسر قمر جہاں نے کہا کہ جب میں تلکا مانجھی بھاگل پور یونیور سٹی میں صدر شعبہ اردو تھیں تو مناظر صاحب بھی ساتھ تھے۔،انکی شخصیت پہلودار تھی۔ وہ خوش مزاج ،شگفتہ طبیعت اور علم دوست تھے۔

ان کی شخصیت کا ایک اہم پہلوں یہ بھی تھا کہ وہ اپنے تمام ہم پیشہ کو بے پناہ عزت و توقیر بخشتے تھے۔مغربی بنگال سے آئے شاعر و ادیب فیروز اختر نے کہا کہ مناظر عاشق ہرگانوی نام ہے ایک اسکول کا۔

انہوں نے اردو شاعری کی ۲۸ نئی اصناف پر طبع آزمائی کی اور سبھی اصناف پر کتابیں بھی دیں جو ایک بڑی بات ہے۔ڈاکٹر نیر حسن نے کہا میں نے ان کی نگرانی میں پی۔ایچ۔ڈی کی ،وہ بہت ہی فعال،نیک اور ملنسار تھے۔

شہزور اختر نے کہا کہ پروفیسر مناظر عاشق ہرگانوی دور حاضر کی ایک اہم ادبی شخصیت تھی۔انہوں نے ہر میدان میں اپنے ہنر کا سکہ جمایا۔

شاہینہ داود ایجوکیشنل ٹرسٹ کے چیرمین داؤد علی عزیز نے کہا کہ مناظر صاحب ہر صنف سخن میں اپنا ایک انفرادی انداز و لہجہ رکھتے تھے۔بہت ہی ملن سار اور نیک دل آدمی تھے وہ میرے پڑوس میں لگ بھگ بیس سال رہے۔ شاعرفیض الرحمن نے کہا کہ ایک کامیاب تخلیق کار ہونے کے ساتھ ساتھ ایک منفرد ناقد بھی تھے۔

ڈاکٹر حبیب مرشد خاں نے کہا کہ مناظر عاشق ہرگانوی صاحب کی نگرانی میں ،میں نے پی۔ایچ۔ڈی کی ہے،وہ دور حاضر کے بہت ہی فعال ادیب و شاعر تھے۔اس موقع پرپروگرام میں نظامت کر رہے حافظ مکرم شاہین ،ڈاکٹر ارشد رضا،ڈاکٹر خالدہ ناز،ڈاکٹر محمد صدیق ،محمد ہارون رشید ،مظہر مجاہدی،پارس نکونج ، محمد بلال الدین، محمد سہیم الدین وغیرہ نے مناظر عاشق ہرگانوی حیات و فن سے اپنے اپنے خیالات کا اظہار کیا

پروگرام میں شرکت کرنے والوں میں صحافی قمر امان ،محمد عبدلرزاق،محمد اشعر عالم، قمر تاباں، محمد تاج الدین،شبیر احمد جعفری،محمد نصر عالم،معصوم رضا عادل،،محمدامان اللہ خان ، محمد حسین صدیقی،محمد عامر پرویز،محمد شہنباز وغیر ہ تھے۔

اس موقع پر شاہینہ دائود ایجو کیشنل ٹرسٹ کے چیرمیں دائود علی عزیز نے اردو رسالہ بچوں کی دنیا،اْمنگ لوگوں کے درمیان تقسیم کی۔