نواب ملک کے خلاف ای ڈی کی سب سے بڑی کاروائی

نواب ملک کے خلاف ای ڈی کی سب سے بڑی کاروائی

ایک بڑی کارروائی میں، انفورسمنٹ ڈائریکٹوریٹ (ای ڈی) نے بدھ کو این سی پی لیڈر نواب ملک کی 8 جائیدادیں ضبط کیں

جو مہاراشٹر حکومت میں ایک وزیر ہیں اور منی لانڈرنگ کے ایک معاملے میں گرفتار ہوئے۔ ذرائع کے مطابق ای ڈی کی یہ سب سے بڑی کارروائی ہو سکتی ہے۔

اس میں جائیداد کی مالیت کا تخمینہ اربوں میں لگایا جا رہا ہے۔

دوسری جانب 62 سالہ مہاراشٹرا وزیر نواب ملک اپنی گرفتاری کے خلاف  سپریم کورٹ پہنچ گیے ہیں۔

نواب ملک کے وکیل کپل سبل نے پی ایم ایل اےPMLA ایکٹ کا حوالہ دیتے ہوئے پورے معاملے کی جلد سماعت کا مطالبہ کیا ہے۔

انہوں نے کہا کہ پی ایم ایل اے PMLAایکٹ 2000 میں نافذ ہوا تھا۔ ای ڈی اس قانون کے تحت جن لین دین کے لیے کارروائی کر رہا ہے وہ 2000 یا اس سے پہلے کے ہیں۔

چیف جسٹس نے معاملے کی جلد سماعت کی یقین دہانی کرائی۔ تاہم اس سماعت سے پہلے کی گئی اس کارروائی کو اس کیس سے جوڑ کر دیکھا جا رہا ہے۔ ملک کو 23 فروری کو منی لانڈرنگ کیس میں گرفتار کیا گیا تھا جس میں داؤد ابراہیم اور اس کے ساتھی شامل تھے۔

فی الحال ای ڈی نے نواب ملک اور ان کے اہل خانہ کی جائیدادوں کو عارضی طور پر ضبط کر لیا ہے۔

ان جائیدادوں میں خاندان کے زیر انتظام فرم ‘Solidus Investment Pvt Ltd’ اور ‘Malik Infrastructure’ کی جائیدادیں شامل ہیں۔

ملک کی یہ جائیدادیں ضبط کر لی گئی ہیں۔

انفورسمنٹ ڈائریکٹوریٹ نے منی لانڈرنگ ایکٹ کے تحت ممبئی اور عثمان آباد میں 8 جائیدادیں ضبط کی ہیں۔ ان میں کرلا کے گوا کمپاؤنڈ میں بنایا گیا مکان

کرلا ویسٹ میں کمرشل بلڈنگ، عثمان آباد میں 148 ایکڑ اراضی، کرلا ویسٹ میں 3 فلیٹ اور باندرہ ویسٹ میں 2 مکانات شامل ہیں۔ ای ڈی کی اس کارروائی کے بعد ریاست کی سیاست ایک بار پھر گرم ہونے جا رہی ہے۔

مہاراشٹر میں حکمراں مہا وکاس اگھاڈی کا الزام ہے کہ یہ گرفتاری صرف دباؤ بنانے کے لیے کی گئی ہے۔

ای ڈی داؤد ابراہیم کے خلاف تحقیقات کر رہی ہے۔

ای ڈی نے آئی پی سی کی دفعہ 120 بی اور یو اے پی اے کی دفعہ 17، 18، 20، 21، 38 اور 40 کے تحت درج ایف آئی آر کی بنیاد پر داؤد ابراہیم اور دیگر کے خلاف منی لانڈرنگ کی جانچ شروع کی تھی۔

ایف آئی آر میں داؤد ابراہیم کاسکر، داؤد بھائی، حاجی انیس، انیس ابراہیم شیخ، شکیل شیخ، چھوٹا شکیل، جاوید پٹیل، جاوید چکنا، ابراہیم مشتاق عبدالرزاق میمن اور ٹائیگر میمن کے نام شامل تھے۔

ایف آئی آر میں یہ بھی کہا گیا ہے کہ داؤد ابراہیم کے بھارت چھوڑنے کے بعد، اس نے اپنے قریبی ساتھیوں جیسے حسینہ پارکر عرف حسینہ آپا اور دیگر کے ذریعے بھارت میں اپنی مجرمانہ سرگرمیوں کو کنٹرول کرنا شروع کیا