فارسی کے ممتاز نعت گو جان محمد قدسی علیہ الرحمہ کے مشہور نعتیہ کلام مرحبا سیدِ مکی مدنی العربی کی تضمین
فارسی کے ممتاز نعت گو جان محمد قدسی علیہ الرحمہ کے مشہور نعتیہ کلام ” مرحبا سیدِ مکی مدنی العربی ” کی تضمین
از : طفیل احمد مصباحی
احمد و حامد و محمود و محمّد وہ نبی
صاحبِ رتبۂ عالی ہیں وہ ، اللہ ھو غنی
خواجۂ جنٔ و بشر ، ہاشمی و مطّلبی
” مرحبا سیدِ مکی مدنی العربی
دل وجاں باد فدایت چہ عجب خوش لقبی ”
نیّرِ بُرجِ شَرف ، فخرِ عرب ، شانِ عجم
مظہرِ حسنِ ازل ، مہرِ مبیں ، بدرِ اتم
غیرتِ شمس و قمر یوسفِ بطحا کے قدم
” من بے دل بجمالِ تو عجب حیرانم
اللہ اللہ چہ جمال است بدیں بو العجبی
“واہ کیا مرتبہ ہے سیدِ والا تیرا
آج تک تیری طرح دہر میں پیدا نہ ہوا
مرحبا صلِّ علیٰ صلِّ علیٰ صلِّ علیٰ
” نسبتے نیست بذاتِ تو بنی آدم را
بہتر از عالم و آدم تو چہ عالی نسبی
“کس قدر ارفع و اعلیٰ ہے شہا تیرا مقام
مرغِ سدرہ تری دہلیزِ کرم کا ہے غلام
تیرے ہی حکم سے چلتا ہے دو عالم کا نظام
” نخلِ بُستانِ مدینہ ز تو سرسبز مدام
زاں شدہ شہرۂ آفاق بشیریں رطَبی
“رب نے قرآن میں فرمایا تری ذات کو نور
تیرے ہی نور سے کونین ہوئے ہیں معمور
جب مشیت کو ہوئی بعثتِ اقدس منظور
” ذاتِ پاک تو در یں ملکِ عرب کرد ظہور
زاں سبب آمدہ قرآں بہ زبانِ عرَبی
“بحرِ الطاف و عنایات ، شہنشاہِ امم
خوانِ یغما پئے نادار ترا خوانِ کرم
سگِ در کو بھی ملے حصۂ خیرات و نِعم
” نسبتِ خود بہ سگت کردم و بس منفعلم
زاں کہ نسبت بہ سگ کوئے تو شد بے ادبی
“اے کہ اعجازِ ہمہ گیر ترا شقِّ قمر
اپنے احمد پہ ہو چشمانِ کرم خیرِ بشر
گردشِ وقت نے کر ڈالا اسے زیر و زبر
” چشمِ رحمت بہ کشا سوئے من انداز نظر
اے قریشی لقبی ، ہاشمی و مطلبی
“کس قدر ارفع و اعلیٰ ہے شہا آپ کی ذات
آپ کے ہاتھوں میں ہے آپ کی امت کی نجات
بن نہ جائے کہیں یہ تشنہ لبی وجہِ ممات
” ما ہمہ تشنہ لبانیم توئی آبِ حیات
لطف فرما کہ ز حد می گزرد تشنہ لبی
“نوشۂ بزمِ دنیٰ ، صاحبِ علم و ادراک
لا مکاں زیرِ قدم ، عرشِ بریں مسندِ پاک
سرمۂ اہلِ نظر ہے تیری نعلین کی خاک
شبِ معراج عروجِ تو گذشت از افلاک
بمقامے کہ رسیدی نہ رسد ہیچ نبی
“شدتِ غم سے جگر چاک ، کلیجہ چھلنی
توڑ رکھی ہے کمر گردشِ دوراں نے مری
اپنے احمد پہ عنایت کی نظر بہرِ علی
” سیدی انت حبیبی و طبیبِ قلبی
آمدہ سوئے تو قدؔسی پئے درماں طلبی “