مظفر پور میں شاہین ایجوکیشن گروپ کے برانچ کا ہوا افتتاح

مظفر پور میں شاہین ایجوکیشن گروپ کے برانچ کا ہوا افتتاح ڈائریکٹر عبدالقدیر کا عبدالسلام انصاری، شاہ عالم شبو و نسیم اختر وغیرہ نے کیا استقبال

مظفر پور: (وجاہت، بشارت رفیع)

شاہین ایجوکیشن اکیڈمی بیدر ہندوستان میں مسلمانوں کے لئے ایک بہترین تعلیمی ادارہ ثابت ہو رہا ہے جہاں بچوں کو اچھے ماحول میں انجینئرنگ و میڈیکل کی تیاری کرائی جاتی ہے۔

مظفر پور میں سابق وائس چیئرمین ضلع پارشد مظفر پور جناب شاہ عالم شبو کی دعوت پر جناب عبدالقدیر نے 19 مارچ کو شاہین کے برانچ کا افتتاح کرنے مظفر پور تشریف لائے تھے۔

اس موقع پر بہترین دعوت افطار کا اہتمام جناب شبو کی جانب سے کیا گیا تھے جس میں بہار اسٹیٹ مدرسہ ایجوکیشن بورڈ پٹنہ کے سیکریٹری و ڈپٹی ڈائریکٹر سیکنڈری ایجوکیشن بہار جناب عبدالسلام انصاری، قومی اساتذہ تنظیم بہار کے ریاستی کنوینر محمد رفیع، صدر تاج العارفین، سیکریٹری محمد تاج الدین، ریاستی مجلس عاملہ کے رکن نسیم اختر، محمد امان اللہ، وقار عالم، کارگزار صدر مظفر پور اشرف علی، سکرا بلاک سیکریٹری آصف علی وغیرہ نے بھی شرکت کی۔

اس موقع پر جناب شاہ عالم شبو اور نسیم اختر نے جناب عبدالقدیر صاحب کا پھولوں کا گلدستہ پیش کر استقبال کیا۔ جناب عبدالقدیر نے اس موقع پر مجمعہ سے خطاب کرتے ہوئے کہا کہ اب آپ کو بیدر جانے کی ضرورت نہیں ہے۔

بیدر میں ملنے والی تمام سہولیات اب یہاں مظفر پور میں ہی آپ کو ملیں گی۔ انہوں نے کہا بیدر یہاں سے اب ذیرو کیلومیٹر کی دوری پر ہے۔ تقریب میں مولانا ذکی انور عرفانی، ,مکھیا عارف الرحمن عرف شبن، احتشام احمد قادری عرف پنکو بھائی، ابرار الحسن عرف لال بابو، محمد ذاکر، سابق سرپنچ ابوذر، ضیاء اللہ، مظفر حسین اور ہیریٹیج اسکول کے تمام عہدیداران و اراکین شامل تھے۔