فروغ اردو کے لیے جائزہ میٹنگ کا کام یاب انعقاد
فروغ اردو کے لیے جائزہ میٹنگ کا کام یاب انعقاد
اردو زبان سیل،بھاگل پور میں جناب شبیر عالم ، مترجم،جگدیش پور بلاک کی صدارت میں فروغ اردو تقریبات سب کمیٹی کی جائزہ میٹینگ ہوئی ۔
اس میں پروگرام کی شان دار کام یابی کے لیے تمام شرکا بالخصوص بیرون بھاگل پور سے تشریف لاے مہمان کرام،مقامی ادبا و شعرا کی ساتھ ساتھ ایک ہزار سے زاید تمام سامعین باالخصوص ضلع کے اساتذہ اردو کا شکریہ ادا کیا گیا۔
ضلع مجسٹریٹ جناب سبرت کمار سین نے اس پروگرام کے انعقاد کے لیے شروع سے ہی دل چسپی لی اور ضلع اردو سیل کی فعال اور اردو سے بے حد دل چسپی رکھنے والی ایس ڈی ایم/انچارج ضلع اردو سیل کو ضروری ہدایت و رہ نمائی کی
وہ بے حد مصروف شیڈیول سے وقت نکال کر تقریری مقابلہ کے کام یاب بچوں کی حوصلہ افزائی کے لیے تشریف لاۓ ،انہیں میمونٹو اور میڈل عطا کیا اور مسکراتے ہوئے ان کے ساتھ انفرادی اور گروپ فوٹو کھینچوایا ۔
اے ڈی ایم جناب محمد محفوظ عالم اور صدر ایس ڈی او جناب دھننجۓ کمار نے پروگرام کے آغاز سے قبل ہی تشریف لا کر انچارج ضلع اردو سیل محترمہ کومل کرن صاحبہ اور منتظمین اردو ملازمین کو اپنا سرگرم تعاون دیا،اس کے لیے منتظمین ان کے بے حد شکر گزار ہیں۔
نشست میں تمام ملازمین اردو نے سبک دوش ملازم اردو اور تقریب فروغ اردو سیمینار ،مشاعرہ و عمل گاہ کو کام یاب اور تاریخ ساز بنانے کے لیے کنوینر تقریبات کمیٹی جناب حبیب مرشد خاں کا خصوصی شکریہ ادا کیا کہ وہ تقریباً پندرہ دنوں سے پروگرام کے انعقاد میں مستقل سرگرداں رہے۔
دیگر سبک دوش ملازمین اردو جناب شاہ نہال اختراور جناب کلیم آذر کا بھی تعاون کے لیے شکریہ ادا کیا گیا ۔
میٹینگ میں تمام مقامی اردو صحافیوں،بہار و بیرونی بہار کے اردو اخبارات،مقامی ہندی اخبار و چینل کا بھی نیوز کوریج کے لیے اظہار تشکر کیا گیا۔
جنہوں نے بھی اس پروگرام کو امید سے زیادہ کام یاب بنانے میں تعاون کیا،ان سب کا بھی شکریہ ادا کرتے ہوئے آئندہ کے پروگرام کو مزید کام یاب بنانے کے لیے ضلع کے اردو دوستوں سے مشورہ مانگا گیا ہے اور گزارش کی گئی کہ فروری ماہ کے آخیر تک اپنا تحریری مشورہ ضلع اردو زبان سیل،کلکٹیریٹ،بھاگلپور کو ڈاک یا دستی طور پر دینے کی مہربانی فرمائیں ۔
ضلع اردو سیل میں منعقدہ نشست میں جناب حبیب مرشد خاں،جناب کلیم آذر،جناب محمد شمیم آزاد ،محترمہ افشاں جبیں،مہ جبیں ،مہر النسیہ ، جناب عبدالقادر شریک ہوۓ، جناب ارشد مشتاق نے حاضرین کا شکریہ ادا کیا۔
ارشد مشتاق
مترجم،ضلع اردو زبان سیل،بھاگل پور
8210388417
